شماريش ج6
مهالك الافعال
عماد : لا انت مش كويس انت لو كويس مكونتش جيت عندي واحكيلي بالظبط اي اللي حصل
احمد : و بدات احكي كل اللى حصل لحد ما روحت ليه سكت شويه وسمعته بيقول كلام غريب بصوت واطي و بعدين سكت وقال
عماد(بخوف وغضب) : اطلع بره متجيش هنا تاني وخد فلوسك معاك
احمد : ليه كده يا شيخ انا مليش غيرك حد ياسعدني وبدات اعيط
عماد : انت شكلك لعبت لعب عالى انت مش قده
احمد(بعياط): انا معرفش انا عملت اى ابوس ايدك ساعدني
عماد(بخوف): طب بص انا هحاول اعمل اللي اقدر عليه بس ده هيكلفك كتير قوي
احمد : كام يعني
عماد : 5000 الاف جنيه
احمد : ده كتير يا شيخ خفض شويه انا على قدي برضو
عماد : يابني اللي هعمله معاك ده لو غلط فيه غلطه صغيره ممكن اموت فيها وانا مش هدخل حاجه وانا عارف انها خطر غير لما اضمن انى هكسب كويس
احمد : طيب بس هدفعهم على اجزاء
عماد : ماشي
انا هنا قاطعت كلام احمد و قولت
انا : يعني انت يا احمد سبت طريق ربنا ومشيت في طريق الدجل والكلام الفاضي ده طب ما انا برضو اليومين اللى فاتو كونت بشوف كوابيس بس الحمدلله بطلت احلم بيها لما انا كبرت دماغي عنها
احمد : سيبني اكمل انا مش مستحمل عتاب انا فيا اللى مكفيني المهم عماد قرب مني وحط ايدو على راسي وفضل يقول في كلام غريب وانا بترعش لحد ما اغمى عليا وفوقت على ميه بتنزل على وشي كبها عليا عماد و قالي
عماد : خد الحجاب ده البسه و اياك تقلعه ده هيكون حصن ليك
احمد : طب فهمني انا عملت ايه عشان يحصل فيا كده
عماد : انت بتحاول تاخد حاجه تخص ملك من ملوك الجن وانا عملت ليك تحصينه منه لحد ما نقنعه انك خلاص سبت اللى هو عايزه
احمد : طب هو عايز اى وانا اسيبه قولى هو عايز اى
عماد : انا مش مسموح ليا اقول اكتر وقتك خلص يلا اتفضل و متنساش معادنا بعد اسبوع
احمد : انا خرجت من عنده و رجعت البيت و لبست الحجاب بعد ما ربطو ب فتله عشان اعرف اعلقه في جسمي و الدنيا كانت زي الفل و فات اول يوم عادي خالص وحسيت انى خلاص بدات ارتاح و روحت خطبتك و قولت خلاص الدنيا هتحلو لاكن تأتى الرياح بما لا تشتهي السُفن جه الليل و دخلت انا على الساعه 11 ونص و قبل ما اروح في النوم اللى هو بين النوم والصحيان كده لقيت الدولاب اتفتح وخرج منه كتلت سواد وجايه ناحيتي وانا اتخرصت و اتشليت مش قادر اتحرك لحد ما قربت منى روحت مغمض و دي الحاجه الوحيده اللى قدرت اعملها وبعدين فتحت عيني لقيت اني بالليل و انا واقف قدام بيت الشيخ عماد و الباب مفتوح دخلت و فضلت ماشي لحد ما وصلت ل الاوضه اللى الناس كانت قاعده فيها بس الغريبه اني ملقيتش حد حتى عمار مش موجود بس سمعت صوت جاي من اوضة الشيخ عماد روحت جري عليه لقيته متعلق في الهوا و كائن بشع واقف قدامه و سمعت الشيخ عماد بيقول
عماد(بخوف وفزع): ارحمني و انا ابقي خادم مطيع ليك انا مكونتش عايز اساعده انا بس كونت عايز اخليه يبعد عنها عشان تبقا ليك انت لوحدك انا عارف ياسيدي شماريش انك تقدر تعمل كل اللي انت عايزو بس انا بقولك انا هكون خدامك ارحمني ارحمني
شماريش : انا اكره الذين يتآمرن علي (وضحك ضحكه شيطانيه مفزعه)
احمد : عارفه يا روان انا شوفت مشهد عمري ما هنساه
انا : شوفت اي كمل
احمد : شماريش طبق ايدو على بعضها لقيت عماد ببطبق على بعضو و سمعت صوت تكسير عضمو وهو مش مبطل صراخ و بعدين فتح شماريش ايدو و رفع صوباعين و لقيت ان عيون عماد بتتخلع من مكانها و هو ذاد في الصراخ وفجأة لقيت النار مسكت في كل حاجه جيت اخرج لقيت ان النار بره اكتر من جوه بدات انى الف يمين وشمال عشان اعدي في اي مكان اتفادى النار منه لحد ما قربت على الباب لقيت شماريش واقف بيبص ليا ويضحك هنا انا اتكتفت مكانى و هو قالي
شماريش : اعلم ان النهاية قد اقتربت
احمد : انت عايز مني اي انا عملت ليك اي. شماريش اختفى من قدامي وانا بدات اجري اجري لحد ما وصلت للباب و كان مقفول حاولت افتحه لاكن مفتحش و النار كانت خلاص بتقرب ليا بتقرب بتقرب ولما وصلت ليا فجأه فتحت عيني لقيت اني في سريري و كل اللى حصل ده كان كابوس طب ازاى و ام الحجاب ده مبيعملش حاجه اي ده فين الحجاب فضلت ادور عليه مش لاقيه الحجاب اختفى قولت انا هروح بكرا اشوف الشيخ عماد و بالمره احكيلو علي الحلم الغريب ده و بالفعل منمتش تانى طول الليل و فضلت صاحي لحدما الساعة جت 10 قومت لبست و روحت ل عماد بس لما وصلت كانت المفاجأة البيت زي ما شوفت البيت محروق من بره ومن جوه لقيت واحد معدي سألته على اللى حصل قال
الشخص : قومنا باليل على صوت ناس بتصرخ طلعنا من بيوتنا نجري لقينا ناس وقفه قدام البيت و بتصرخ واحنا عملنا اللي علينا واتصلنا بالمطافي
احمد : طب والشيخ عماد
الشخص : بتوع المطافي ملقيوش ليه اثر
احمد : هنا انا سبت الراجل و مشيت رجعت البيت ماما سألتني
مامت احمد : مالك شكلك تعبان في اى
احمد : مفيش يا ماما و سبتها ودخلت اوضتي و قولت في نفسي طول ما انا صاحي و مركز مفيش اي حاجه هتحصل ليا و من يومين وانا صاحي لحد ما انتى شوفتيني اهو
انا : طيب يا احمد هتعمل اى انت كده بتموت بالبطئ
احمد : متخافيش يا روان انا هبقا كويس
الوقت فاتنا وكانت الساعة جت 2 الظهر و احمد قال
احمد : قومي انتى ارجعي البيت وانا هبقا اتصل عليكي
انا : طيب سلام
احمد : سلام
و قومت مشيت و رجعت البيت و زي العاده امي استقبلتني و عامله اى واخبار يومك و الى اخره لاكن انا كونت في ملكوت تاني بفكر في احمد من ناحية زعلي عليه و من ناحيه تانية من اللى شافو وقالو و بدات اربط الاحداث عشان اوصل لحاجه موصلتش لاني مشتته و عدى اليوم وجه الليل و انا كونت قاعده قدام التليفزيون وحسيت بصوت جاي من اوضتي ببص عليها لقيت قطه سوده طالعه منها و مركزه معايا وبعدين دخلت تاني دخلت وراها لقيت بنت واقفه في البلكونه وبتعيط قربت عشان اعرف دي مين ولما قربت المشهد اتبدل و لقيت اني في اوضه غير اوضتي المهم كملت ناحية البلكونه لقيت اللى بتعيط دي ساره هنا انا فضلت اقول
