بسم الله
طبعا بأذن الله هنستمرين معاكم بأجزاء وان شاء الله تعجبكم و ياريت تسيبو رأيكم وتقولو عايزين الجزء التاني امتى
و اسيبكم مع الروايه
مين فينا مسمعش عن الجن والعفاريت سواء من اهلك او من اصحابك وفي الكلام بنكون فاكرينهم للتريقة و التخويف لاكن الاحداث فيما بعد بتكون صادمه
انا روان انا في رابعة كلية كونت بروح ايام متفرقه وهما ( السبت و الاتنين و الاربع )
في يوم كونت راجعة من الكليه على الساعه 5.30 المغرب و دخلت البيت لقيت بابا قاعد ادام التلفزيون و مشغل مسرحية وماما في المطبخ بتعمل اكل بابا اسمو (محمود) وماما (هدى)
انا : السلام عليكم
بابا : وعليكم السلام اتأخرتي ليه يلا غيري بسرعه وتعالي عشان تاكلي معانا
ماما : انتي جيتي يا روان
انا : ايوه يا ماما
ماما : حمدلله على السلامه
انا : الله يسلمك عامله اي آكل
ماما : عامله الاكله اللي بتحبيها عامله محشي يلا الحقي غيري وتعالي بسرعه
انا : حاضر
و دخلت غيرت اخدت دش و طلعت وكلنا انا وبابا وماما و اختي نورا اه نسيت اعرفكم انا عندي اخت اصغر مني ب اربع سنين اسمها (نورا) و اتعشينا وكنا فرحانين ومبسوطين اخر انبساط و خبط الباب
بابا : مين
اللي على الباب : انا واحد غريب جاي يرخم عليكم هههههههه
بابا : اهلا افتحي يا روان لخالك مصطفى
انا : حاضر يا بابا
و فتحت الباب
انا : اتفضل يا خالو ازيكم عاملين اي
دينا (مرات خالي) : ازيك يا روان عامله اي
انا : الحمدلله اومال فين نعيمه (بنت خالي)
نعيمه (من وراهم) : انا هنا اهو ازيك يا ريري عامله اي وحشاني
انا : انتي وحشاني اكتر والله ومقلتوش ليه انكم جايين
خالي مصطفى : قولنا نعملها مفاجأه ليكم
انا : احسن مفاجأه والله
كل ده وكانو سلمو ودخلو قعدو وانا خدت نعيمه ودخلنا اوضتي
انا : اي يا يبنتي بقالك يومين مش بتردي على التليفون لى
نعيمه : اسكتي يا روان انا كونت بحضر لحاجه المهم احكيلي عامله اي في الكليه تبعك
انا : تمام الحمدلله
نعيمه : طيب الحمدلله بس في عيونك حاجة عايزه تقوليها قولي
انا : احمد جاي بكرا يطلبني من بابا
نعيمه (بحقد مستخبي): والله طب الف مبروك ربنا يتمم ليكي على خير
انا : امين يارب انتى مش متخيله بعد سنتين حب اخيرا هنكون مع بعض
نعيمه : اللى محضرتهمش معاكي ههه
انا : ما انتى اللى نقلتي من الكليه بعد السنه الاولى كونتى كملتى معايا
نعيمه : ازاى بابا نقل من هنا هناك جنب السكن الجديد كليه احسن ف قالي انقلي ولقيت ان اختيارو هو الصح و بعدين لو نقلت هنا كونت هبات فين والمشوار بعيد جدا
انا : يلا الحمدلله اللى في النصيب خدناه وربنا يقدم اللي فيه الخير
نعيمه : بس غريبه انتى مقولتيش خالص ليا في الفتره اللى فاتت ان احمد جاي يطلبك قريب
انا : يا بنتى ما انا بقولك بقالك يومين مش بتردي على رناتى لو رديتي كونتى عرفتي
نعيمه : سهله اهم حاجه انو طلع صادق معاكي ده كان اجمل شاب في الكليه (بصوت واطي) ده كويس انو بصلك
انا : بتقولي اى
نعيمه : لا مفيش المهم انا جيبه ليكي هديه
انا : جايبه اي
نعيمه : فاكره الاسوره اللى قولتى عليها واحنا بنتكلم في التليفون الاسبوع اللى فات
انا : اه مالها
نعيمه : بصي كده
وراحت نعيمه مطلعه اسوره من شنطتها وقالت خدي اهي
انا : الله انتى جبتهالي شكرا ليكي بجد بس اي الرسمه الغريبه اللى عليها دي
نعيمه(ب ارتباك): لا رسمه عاديه انتي بس عشان لسه شايفاها لاكن هيا عاديه وبعدين انا ملقيتش عند الراجل رسمه غيرها ف جبتها
انا : مش مشكة على العموم شكرا ليكي
نعيمه : البسيها كده
انا لبستها خليني اوصفها ليكم هيا عريضه مرسوم عليها في لفتها كامله رسمة تعبان متلولو ومن فوق رسمه جمجمة وعليها قوس وفيه اربع سهام متفرعين عن بعض
انا : اي رأيك
نعيمه : تحفه
انا : شكرا ربنا يباركلي فيكي ويخليكي ليا
نعيمه : يابنتي انتي اختي ياروان
انا : يعلم ربنا انتي غاليه قد اي عندي
نعيمه : ما تقومي ناخد سيلفي مع بعض
انا استغربت طلبها ده احنا مش في مكان يستهال يعني اي الحلو في انا نتصور في اوضة نوم بس قولت مش عيب يمكن هيا حابه ده
انا : تعالي
وقفنا واتصورنا وبعدين قالتلي اقفى جنب المرايا عشان اصورك صوره حلوه برضو استغربتها بس قولت
انا : طب ما اقف جنب الرسومات اللى على الحيطة شكلها حلو
نعيمه (باصرار) : لا صدقيني جنب الرايا هيكون احسن اقفي بس وبصي في المرايا وانا هصورك من الجنب عشان الصوره يكون شكلها حلو وشيك
انا : ماشي
المهم اننا اتصورنا وخلصنا وكملنا كلامنا و اخدنا وقتنا وخلصت السهره وطبعا كانو هيباتو عندنا عشان هما جايين من مشوار بعيد يقارب مشوار السفر
و دخلنا ننام وطبعا انا و نعيمه هنام مع بعض و فضلنا نتكلم لحد ما روحنا في النوم و شوفت حلم غريب قومت من النوم الصبح حوالى الساعه سبعه مفزوعه و انا بصرخ وبعيط جت ماما وبابا يجرو عليا و نعيمه جنبي بتقولي
نعيمه : اهدي وبطلي عياط واحكيلي في اي
ماما(بخوف عليا): مالك يا روان مالك يابنتى بتعيطي لي
بابا : في اي بس متقلقيناش عليك
و طبعا كان في الوقت ده خالي و مراته جم و برضو بيسألو في اي وهنا بدأت احكي
انا : انا شوفت
وزي ما قلنا من قبل سيبولنا رأيكم و عايزين الجزء الجاي امتى والسلام عليكم
